كتير ناس بيفتكروا إن الإدمان سببه الرئيسي هو المادة نفسها: المخدر، الكحول، أو حتى إدمان الموبايل والسوشيال ميديا. لكن الحقيقة إن الإدمان في جوهره مش رغبة في المادة، بل محاولة يائسة لملء فراغ داخلي. الشخص بيجري ورا أي شيء يديه لحظات نسيان، لأنه مش قادر يواجه جرح قديم بيصرخ جواه.
الإدمان مجرد "مسكن"، لكن الوجع الحقيقي غالبا راجع لطفولة ناقصة، إحساس بالرفض، أو صدمة لسه محصلة في العقل الباطن. عشان كده تلاقي الشخص مهما حاول يبطل، يرجع تاني. مش لأنه ضعيف، لكن لأنه ماعالجش الجرح اللي خلاه يبدأ من الأساس.
أنا في شغلي مش بقف عند "ابعد عن المادة"، لكن بنبدأ رحلة أعمق: نفهم مع بعض الجرح اللي الإدمان كان بيغطيه. لما الوجع يبان ويتشاف ويتداوى، الحاجة للمسكن تقل لوحدها. واللي كان سجن بيتحول لحرية حقيقية.
.jpg)
ليست هناك تعليقات:
إرسال تعليق