هل فكرت في يوم ان ممكن يكون تعبك في الحياة بسبب أفكار ومعتقدات انت مؤمن بيها من سنين طويلة وانت عارف ان معظمها غلط .. عارف ان حياتك كانت هتبقي احسن بكتير لو كنت غيرتها .. بس انت مش عايز تغيرها
ممكن بسبب انك خايف من التغيير .. مش عايز تتعب شوية .. حابب الروتين اللي بقاله سنين طويلة.. اتعودت.. خايف ان كل حاجة حواليك تتغير للأسوأ.. خايف انك تجرب و تغامر وتفشل
ممكن بسبب الخوف من نظرة الناس اللي حواليك.. خايف انهم يبعدوا عنك ويحاربوك وتبقى عدوهم .. .. دايما بتظهر قدامهم انك انسان مثالى .. قوى الشخصية .... لكن لما بتقعد مع نفسك بتحس انك ضعيف ... بتحس انك شخص مصتنع.. بتلاقي نفسك مخنوق اوي ... مش طايق نفسك.. لكن بتقول لنفسك مش مهم .. المهم ان الناس فاكرة اني شخص مثالي اوي .. كلامهم ومدحهم لى .. ده المهم .. مش مهم ابقى مبسوط مع نفسى
خلي بالك لو الناس اكتشفت الحقيقة .. هتقع وقعة جامدة مش هتعرف تقوم تاني بعديها وهتتعب نفسيا لان حياتك كانت فاضية من الاول .. قوتك كنت واخدها منهم .. كلامهم ومدحهم ليك ..
من فضلك اقعد مع نفسك وفكر وقول .. هل فيه افكار ومعتقدات محتاجة تتغير .. لو قلت ايوه .. يبقى لازم تبدأ من دلوقت .. هتتعب شوية .. بس بعد وقت هتكتشف انك اتولدت من جديد .. هتحس انك انسان طبيعي مش مصتنع .. هتكتشف ان عندك حاجات حلوة جواك مكنتش باينة .. انت هتعجب بنفسك وتقول انا جميل اوى .. ثقتك بنفسك هتزيد .. نظرتك هتتغير لكل حاجة حواليك
ليست هناك تعليقات:
إرسال تعليق