استهزاءك بالاخرين وجرحك ليهم باستمرار هو زى القتل بالظبط .... انت بتقتل اللى قدامك ببطئ .. انت بتخليه يكره الحياة والناس .. بسببك ممكن يبقي مدمن .. بسببك ممكن ينتحر .. بسببك ممكن يقعد فى البيت بالشهور .. مش عايز يخرج .. مش عايز يكلم حد .. صامت طول الوقت .. الصراع شغال جواه كأنها نار مولعة مش عارف يطفيها .. ممكن بسببك يقرر انه يمشى فى طريق غلط عشان شايف ان الطريق ده هيخليه يبقى جرئ ويعرف ياخد حقه .. عشان جواه حاسس انه ضعيف ومكسور وبعد وقت هيأذى الاخرين اللى حواليه وهو مش حاسس هو بيعمل ايه وبعد وقت هينتقم منك
اسال نفسك .. هل انا عملت الجريمة دى مع حد معين .. لو كان ردك ايوه عملت .. لازم تصلح غلطك وتروح تتكلم مع الشخص ده وتعترف انك غلطت في حقه و انك هتعوضه
لما تلاقى حد بيجرحك وبيستهزا بيك طول الوقت ... اعرف ان عنده نقص عايز يعوضه .. شايفك حاجة كبيرة وهو قليل .. شايف عندك مميزات مش موجودة عنده .. شايف الناس اللى حواليك مهتمين بيك اكتر منه .. عشان كده بيعمل معاك كده .. عايز يحس باهميته
لما تجى تتعامل مع الشخص ده عايزك تبقي هادى وعندك ثقة بنفسك .. اوعى تخليه يهزك بكلامه .. هو شخص ضعيف من جوه .. مش بيفكر .. هو بيقول جمل محفوظة عارف انها بتستفزك .. خد نفس عميق .. حاول تبقي هادى .. رد عليه بذكاء وابتسم .... هتلاقيه بقى ضعيف ومهزوز .. مش عارف يتكلم لان ردودك افحمته .. خلى ردودك دايما ذكية
لو حسيت انك مش هتعرف تعمل كده .. حاول تتكلم مع حد انت بتثق فيه .. عنده خبرات فى الامور دى .. هو هيساعدك وهيعلمك ازاى ترد بذكاء وكمان هيديك طاقة ايجابية
ليست هناك تعليقات:
إرسال تعليق