فيه شخص كان راضي جدا وكان بيشتغل في شركة و مرتبه قليل .. كان بيكفي لحد اخر الشهر .. كان متزوج وعنده بنتين
صاحبه كان بيشتغل في شركة اكبر .. بياخد راتب كبير .. مكنش بيكفي لحد اخر الشهر .. كان متزوج وعنده ولد
صاحبه ساله .. انا هتجنن .. انا باخد راتب اكبر منك ومش بيكفي .. وانت واخد اقل مني بكتير .. نفسي افهم ازاي مرتبك بيكفي
رد الشخص وقاله .. انا بشكر ربنا على اي حاجة .. راضي وعارف انه مش هيسبني .. اولادي محدش فيهم بيروح لدكتور .. صحتنا كويسة .. مراتي نعمة كبيرة ربنا بعتها لي .. ماسكة ميزانية البيت وبتديرها صح .. معندهاش تذمر .. بتقدر ظروفي ... مفيش نكد فى البيت .. عمرى ما بعمل مقارنة مع حد واقول اشمعنى هو معاه وانا لا .. بتمنى الخير لاى حد .. دايما مقتنع انه كله للخير .. ولو فيه باب اتقفل .. فيه ابواب تانية هتتفتح
وبعد فترة .. الشركة قفلت وتم الاستغناء عن الشخص ده .. طبعا الشخص ده اتضايق وقال هعمل ايه ... اتصرف ازاي .. لكن قال انا واثق فى ربنا .. عارف انه هيبعت لى حاجة احسن .. رجع البيت وقال لمراته اللي حصل .. مراته قالته متزعلش .. ربنا هيبعتلك شغل احسن .. بناته الحلوين قالوله يا بابا .. متزعلش .. وحضنوه .. قالهم متطمن لانكم جنبي .. انتوا اللي بتدوني القوة .. عارف ان ربنا مش هيسبني .. مرت ايام .. اسبوع .. شهر .. وهو بيدور علي شغل .. ومش لاقي .. والفلوس بتخلص .. وبعد ايام لقى رقم غريب بيتصل بيه .. قاله انت فلان .. قاله ايوه .. قاله احنا عايزينك تشتغل معانا في الشركة وعرفنا انك كنت متميز و امين جدا في شغلك القديم .. احنا منتظرينك بكرة .. فعلا راح الشركة وقالوله انت هتاخد مرتب اكبر من المرتب اللي كنت بتاخده في شركتك القديمة .. وبعد 3 شهور .. مرتبك هيزيد اكتر .. الشخص مكنش مصدق ... وقعد يشكر ربنا .. واشتغل .. وبعد فترة اترقى وبقى فى منصب اكبر
ليست هناك تعليقات:
إرسال تعليق