لما تلاقي واحد قاسي جدا .. معندهوش غالى .. مش بيثق فى حد .. اعرف انه مر بظروف ومواقف صعبة محدش مر بيها قبل كده .. اعرف انه هو اللي انقذ نفسه بنفسه بدون مساعدة حد ... اعرف ان الشخص ده مش باقي على حد .. ولا يهمه انه يفقد حد .. واي حد واخد عنه انطباع وحش .. مش بيهتم انه يغيره ولا بيهتم بكلام الناس .. حتي لو الناس كلها ضده .. مش بيفرق معاه .. شايف ان اللى حواليه ملهمش لازمة لانهم سابوه فى وقت صعب .. ممكن يكون اهله او اخواته او اصحابه . .. ممكن تلاقيه بياخد قرارات جريئة .. وهو عارف انه ممكن يخسر .. بس مش فارق معاه يخسر .. ولو عمل انجاز .. مش بيفرح بيه .. عادى بالنسبة ليه .. ولو الناس مدحته ولا كأنه سامعهم.. ولو الناس انتقدته ولا كأنه شايفاهم .. بيعتبرهم شوية تراب .. عنده صراع مؤلم شغال جواه .. الصراع ده بيشتغل قبل النوم .. نومه متقطع .. تلاقيه بيشتغل كتير اوي ..
بلاش تحكم على حد انه قاسي وانت متعرفش عنه حاجة من الاول
انت بتشوف اللى باين قدامك بس
الشخص ده ممكن حياته تتغير
لو جروحه كلها تم شفاءها
الله قادر انه يلمس قلبه و يشفي جروحه ويفرح قلبه ويعوضه عن كل حاجة وحشة والم وحزن مر بيهم وييعتله حب وسلام كتير من خلال اشخاص حلوين ممكن يقابلهم صدفة في اي مكان
ليست هناك تعليقات:
إرسال تعليق