كان فيه شاب منعزل فى البيت لمدة سنين .. عنده قدرات وامكانيات حلوة .. مش بيكلم باباه ومامته واخواته .. جربوا معاه كل الحلول وفشلت .. مش عارفين ايه السبب .. وفى يوم من الايام اكتشفت الام ان ابنها هينتحر بعد اسبوعين .. عرفت الموضوع صدفة من خلال ورقة كان كاتبها وحاططها على مكتبه فى الاوضة
الام انهارت وكلمت الاب وقالته .. الاب مش عارف يعمل ايه .. وفجاة اتصل بشخص ( ب ) لانه سمع عنه انه بيحل مشاكل من النوعية دى .. شخص (ب ) جمع كل المعلومات عن الشاب ده .. ايه الحاجات اللى بيحبها .. ايه الحاجات اللى بيكرهها ... ايه الحاجات اللى كان نفسه يعملها ... ايه المشاكل اللى مر بيها .. ايه الصدمات اللى حصلته .. هو متميز فى ايه .. فكر شخص ( ب ) ازاى يوصل للشاب ده .. الشاب ده كان عامل اعلان عن خدمات من سنين .. شخص ( ب ) اتصل بالشاب ده واتكلم معاه عن الخدمات دى وقاله محتاجين نقعد مع بعض .. قعدوا مع بعض مرة واتنين وتلاتة واربعة .. واتفقوا ان موضوع الخدمات ده لازم يكبر ولازم اشخاص تانيين ينضموا وابتد شخص ( ب ) يدى طاقة ايجابية للشاب ده وطلب منه انه يساعده فى انشطة خيرية .. فعلا الشاب وافق وساعد شخص ( ب ) . الشاب ابتد يحس انه بيساعد الاخرين وبيفيدهم .. يعنى هو حد مؤثر .. لكن علاقته بالاب والام مش حلوة .. لانه لسه جواه الم وجروح ناحيتهم .. شخص ( ب ) قال للشاب .. لازم تقولهم كل حاجة انت متضايق منها .. كل حاجة وحشة عملوها معاك .. طلع اللى جواك .. عشان ميبقاش فيه جروح تانية موجودة ... فعلا الشاب صرخ فى وشهم وقالهم كنتوا فين من سنين لما كنت بتالم .. محدش فيكم سندنى .. محدش فيكم وقف معايا .. محدش فيكم سمع لى .. كنتوا شاطرين بس تقولوا محتاج فلوس خد .. اهتماماتكم كانت ماديات بس .. وقعد يتكلم اكتر واكتر لحد ما بكى .. الاب والام قالوله .. انت ليك حق .. احنا فعلا كان اهتمامنا بالماديات بس .. فيه غلط احنا عملناه .. بس عرفنا غلطنا .. محتاجين نصححه .. ادينا فرصة .. احنا بنحبك .. الاب والام حضنوا ابنهم
الشاب حس براحة كبيرة .. بعد ما طلع كل اللى جواه .. بعد ما قالهم كل حاجة .. الاب والام سندوا ابنهم بالفعل مش كلام .. الابن حس انهم اتغيروا للافضل
بعد وقت .. الشاب ده نجح فى شغله .. وارتبط .. .. ابتد يساعد كل الاشخاص اللى ملهمش حد
ملاحظة : شخصية ( ب ) هو بطرس بيتر
ليست هناك تعليقات:
إرسال تعليق