بنقول عليها صداقة او حب
لكن هي مش صداقة ولا حب
هى تعود
انت اتعودت
يسمع ليك
يهتم بيك
يحل مشاكلك
بيقولك كلام حلو
بيحسسك بقيمتك
ممكن يكون بيأذيك نفسيا ومعنويا وانت مش واخد بالك .. تلاقى نفسك حزين .. ملامحك اتطفت .. بقيت عصبى اكتر .. فيه حاجات اتغيرت للاسوا
وبعد كل ده تقول انا بحبه .. مش هقدر ابعد عنه
ده مش حب .. ده تعود .. انت ادمنته
انت بعدت عن كل الناس اللى تعرفهم .. حتى اصحابك مش بتكلمهم لانك بتقول كفاية ان الشخص ده في حياتي ...
طول الوقت انت بتكلم الشخص ده .. مفيش حاجة تانية بتعملها في حياتك
لو الشخص ده بعد عنك يومين .. انت ضعت .. ممكن تلاقى نفسك عشان تنساه تعمل حاجات غلط وتندم وتقول انا عملت كده ازاى
عشان كده بقولك من دلوقتى .. الحق نفسك .. لازم حياتك يبقى فيها حاجات تانية .. لازم تشغل نفسك طول الوقت .. شوف ايه الحاجات اللى بتخليك مبسوط واعملها .. اشترك فى انشطة .. اتكلم مع اصحابك واتفق معاهم انكم تتقابلوا مرة اسبوعيا .. جرب حاجات جديدة .. المهم انك تشغل وقتك
اوعى تخلى حياتك متركزة على حاجة واحدة .... لازم يكون عندك حاجات كتيرة .. عشان لو حاجة اختفت متتأثرش .. متتعبش
ليست هناك تعليقات:
إرسال تعليق