الإحساس إنك مش مفهوم حتى من أقرب الناس .. تحكي ، فيفهموك غلط . تسكت ، فيقولوا عنك غريب
لما تحس إنك مش نافع .. تحس إنك بتجرب وبتفشل ، ودايما وراك لوم . اللي حواليك شايفين غلطك ، بس مش شايفين مجهودك
كل لما تفرح ، تخاف .. تحصل حاجة حلوة ، فتستنا بعدها حاجة وحشة . تفرح وتقول : أكيد في حاجة هتحصل وتبوظ كل حاجة
لما تبقى مش عارف تحب نفسك .. دايما جلد ذات ، نقد ، وشك في كل تصرف . تحس إنك مش كفاية ، مهما عملت
دماغك شغالة ٢٤ ساعة ، وبتلف في دواير . كل تفصيلة بتفكر فيها ١٠ مرات . تتخيل سيناريوهات ، وتخاف من اللي لسه مجاش
لما تكون دايما في دور المنقذ .. بتحل مشاكل الكل ، وبتسند الكل ، وبتشيل الكل . بس مين بيسندك ؟ مين بيطبطب عليك ؟
الناس مش فاهمة انت بتعاني من ايه .. تحكي لحد .. يقولك : كبر دماغك . تعيط .. فيقولك : في ناس أسوأ منك
الاشتراك في:
الرسائل (Atom)