من سنة 2000 وأنا بكتب أبحاث ومقالات عن الإنسان ومشاعره العميقة .
ربع قرن في محاولة حقيقية لفهم اللي بيحصل جوا النفس، لحد ما بقيت أسمع اللي مش بيتقال ، وأفهم اللي ورا الكلام .
لكن مصدر الخبرة الحقيقي عمره ما كان في الكتب بس ، ولا في الكتابة .. المصدر الحقيقي هو الناس .
من سنة 2009 ، وأنا بقابل الناس وجها لوجه ، وسمعت آلاف الحكايات ، وتعاملت مع مواقف إنسانية ونفسية معقدة ، مع آلاف الأشخاص، من خلفيات مختلفة، ومن داخل مصر وخارجها .
سنين طويلة من الاستماع الحقيقي، والفهم العميق، والتعامل مع كل موقف بتفاصيله الدقيقة ، لحد ما أقدر أوصل للسبب الحقيقي اللي عامل المشكلة ، مش بس شكلها اللي باين من بره .
اللي بقدمه دلوقتي هو حصيلة أكتر من 15 سنة من التعامل المباشر مع الناس ، وجها لوجه ، في مواقف واقعية وأزمات حقيقية .
مش بس كده ...
كنت كمان مدير تسويق لمجموعة شركات ، ومستشار تسويق استراتيجي وتطوير الأعمال لعدة شركات أخرى، خلال الفترة من سنة 2010 حتى 2024 .
سابقة أعمال الشركات ؟ اضغط هنا وشوف التفاصيل
كنت حاسس إني طول عمري بشتغل علشان أرضي الناس وبنسى نفسي وكل ما حد يقولي نصيحة بحس إنهم بيحكموا عليا لكن حضرتك لما قعدت معايا سمعتني للنهاية وشرحتلي حاجات عمري ما فهمتها عني حسيت بعدها إني إنسان ليه قيمة مش مجرد الة
ردحذفأنا ابني الوحيد كان بينهار ورا الكمبيوتر ومش بيتكلم معانا وكنت كل يوم ببكي عليه من غير ما هو يعرف بس حضرتك دخلت قلبه بطريقة أنا نفسي مش عارفاها خلت الولد يخرج ويحكي ويحاول يفهم نفسه من جديد
ردحذف