دايما شايف ان المشاكل اخترته هو وسابت الباقيين
يقولك اشمعنى انا اعيش كده وفلان عايش مبسوط
اشمعنى انا اتعب وهو مرتاح
هقولك انت السبب .. انت اللى بتعمل كده فى نفسك
هتقولى ازاى
هقولك ان فيه حاجات حلوة بتجيلك وانت مش بتشكر
دايما مش راضى .. دايما شايف الحياة مضطهداك
خليك راضى باللى معاك واشكر .. وفكر ازاى تحسن حياتك
ممكن تكون شايف الاخر مبسوط ومرتاح .. ممكن يكون بيمر بمشاكل .. بس بيشكر .. راضى .. هو مش بيظهر كده قدام حد .. دايما لما تساله .. يقولك فيه مشاكل .. بس هتتحل والحياة هتبقى احلى
كل ما هتتذمر .. كل ما الحياة هتديك على دماغك اكتر
كل ما تبقى راضى باللى معاك .. وتفكر ازاى حياتك تبقى احسن .. هتلاقى الحياة بتخدك بالحضن .. المهم يبقى الشعور من جواك .. مش كلام من بره
.jpg)
ليست هناك تعليقات:
إرسال تعليق