فيه بعض الفتيات لما حد بيتحرش بيهم بيبقوا خايفين يتكلموا وده بيدى قوة للمتحرش انه يزيد فيها
افتكر من فترة طويلة ان احدى الفتيات كانت كل ما بترجع البيت تبكى وتقفل على نفسها الاوضة وقعدت على الحال ده اسابيع لانه كان بيتم التحرش بيها وهى بتخاف تتكلم .. وجت فى مرة قررت انها تاخد حقها وفعلا وهى ماشية فى الشارع حاول شخص انه يلمس اجزاء من جسمها وراحت مطلعة ازازة من الشنطة بتاعتها ورشيت على عنين الولد وبعديها ابتدت تضرب فى الولد بكل قوتها والناس اتلمت حواليها .. فيه اللى هاجم الفتاة وفيه اللى وقف معاها .. المهم انها اخدت حقها وقالت للمتحرش .. انا مش هاسيب حقى تانى وكان صوتها عالى .. والمتحرش اخد تهزيق من الناس وكان فيه حد عايز يسلمه للشرطة .. المهم الفتاة رجعت البيت مبسوطة انها اخدت حقهاعشان كده بقولك المتحرش جبان .. اوعى تسيبى حقك
علموا بناتكم ان محدش يخاف وانها تاخد حقها .. ولو حصل كده هتلاقى المتحرش يخاف انه يقرب لاى فتاة
ليست هناك تعليقات:
إرسال تعليق