ليه لما بتتعامل مع ابنك لازم دايما تقوله انا بصرف عليك وانت قاعد فى بيتى .. يعنى ممكن اطلعك بره البيت .. يعنى لازم تسمع كلامى وتقول حاضر .. مش مهم تقتنع ولا لا .. المهم كلامى يتنفذ
ليه دايما بتقلل من ابنك قدام اصحابه والاقاربليه دايما لازم تضرب ابنك وتهينه
انت شايفه بيمشى مع اصحاب وحشيين .. انت السبب .. لانك مش بتقعد معاه .. مش بتتكلم معاه كصاحب .. جيت مرة وسالته هو كويس ولا لا .. عنده مشاكل ولا لا .. ممكن تكون انت مش فاكر هو فى سنة كام فى الدراسة
عارف ليه ممكن يمشى مع صاحب مش كويس .. لان الصاحب ده بيقدره .. بيقوله انت حاجة كبيرة .. بيديله ثقة كبيرة فى نفسه .. بيسمع ليه .. بيحسسه ان مفيش حد هيجى زيه
كل ما تضرب ابنك دلوقتى وتهينه .. عمره ما هينسى ليك اللى عملته
لما تكبر فى السن .. لما صحتك تبقى على قدها .. هتلاقيه هو بيهينك .. عمره ما هيقف معاك .. هتلاقى نفسك لوحدك .. هتقولى ازاى .. ده انا ابوه .. اقولك لا .. الاب مش اللى خلف ..
الاب .. يعنى تبقى حنون مع ابنك .. يعنى سند ليه .. تسمع ليه .. تعرف حياته ماشية ازاى ونفسه يعمل ايه بعد كده .. تتناقشوا مع بعض .. تقوله عايز اسمع رايك .. انت دماغك حلوة .. هتلاقيه بيطلع ليك افكار رائعة .. عمره ما هيمشى مع اصحاب مش كويسين لانه عارف ايه الصح وايه الغلط .. بيعرف يفكر .. فاهم
ليست هناك تعليقات:
إرسال تعليق