من سنة 2009 لحد ديسمبر 2024 ، وأنا بساعد في حل مشاكل الناس .
قدمت آلاف الجلسات مجانا ، وساعدت فيها أشخاص من كل الخلفيات يخرجوا من أزمات صعبة كانوا حاسين فيها إنهم وصلوا للنهاية .
ساعدت آلاف الأشخاص في تجاوز أزمات نفسية معقدة، وحليت آلاف المشاكل الواقعية ، سواء كانت شخصية أو عائلية أو عملية .
الناس كانت بتيجي تتكلم ، تفضفض ، تتسمع ، تاخد خطوة ..
وأوقات ، الجلسة الواحدة كانت بتغير حياة .
كنت بقدم ده بمحبة حقيقية ، وبإيمان إن الإنسان محتاج حد يسمعه ، يحس بيه ، ويوصل للوجع اللي مش ظاهر في الكلام .
وفي مواقف كتير ، لما حد كان بيصر يدفع ، كنت بقول له ببساطة :
لو حابب ، اتبرع بالمبلغ لحد محتاج .. يمكن تكون سبب في إن إنسان تاني يعيش يومه أحسن
ومن ديسمبر 2024 ، قررت أخصص وقتي بالكامل للخدمة دي،
علشان أقدر أساعد عدد أكبر ، وبتركيز أعمق .
- أولا : جلسات دعم نفسي وإنساني
دلوقتي الجلسة بتكون بسعر رمزي بسيط
لكن المبلغ ده مش بيروح ليا
اللي بيستفيد هو اللي بيديه بنفسه لحد محتاج فعلا
يعني :
– أنا مش باخد مقابل على الجلسات دي
– المبلغ الرمزي بيروح لحد محتاج ياكل أو يعيش
– وده مش تمن للجلسة ، لكنه استمرار لدايرة راحة وخير
اللي ارتاح ، بيساعد حد تاني يرتاح زيه
* مكان الجلسة :
– زيارة منزلية
– أو لقاء في مكان هادي يريحك ( كافيه ، حديقة ، مكتبة ، أو أي مكان ترتاح له )
– أو جلسة تليفونية من أي مكان داخل أو خارج مصر
- ثانيا : دعم عملي لحل مشكلات الشركات والمؤسسات
لو عندك شركة أو مؤسسة ، وبدأ يظهر فيها تراجع في النتائج ، أو ضعف في الأداء أو التواصل الداخلي ،
أنا بشتغل معاك بشكل عملي ومباشر علشان نوصل للأسباب الحقيقية ، ونعالجها بخطوات واضحة .
وده اللي بقدمه فعلا :
* تحليل دقيق لأسباب التراجع والمشكلات الخفية
* تصحيح الأخطاء الصغيرة اللي بتكلف كتير
* مقترحات فورية وسهلة التنفيذ
* علاج مشكلات تسويقية أو إدارية بتأثر على الإنتاج والمبيعات
* تحويل ضعف المنافسين لفرص نجاح عندك
* جلسات خاصة مع الإدارة لاتخاذ قرارات حاسمة في الوقت المناسب
كل جلسة بتكون جلسة تفكير استراتيجي ، وتحليل واقعي ، وحلول قابلة للتنفيذ
وبيكون لها مقابل مالي واضح ومتفق عليه
لأن الهدف هو تحقيق نتائج ، واستمرارية ، وربح فعلي
للاتصال تليفونيا .. اضغط هنا للاتصال المباشر
للتواصل على الواتساب ... اضغط هنا
* كل اللي محتاجه إنك تبدأ . وأنا هكون موجود علشان أسمعك وأساعدك
أنا كنت بتعالج من الإدمان في مركز شهير لكن كنت بحس إني غريب مش مفهوم ولما خرجت رجعت تاني لنفس الدوامة ولما كلمت بطرس كنت فاكر إنه هيديني محاضرة لكن اللي حصل إنه سمعني وفهمني وساعدني أشوف أنا ليه بدمن وليه بهرب وعلمني أعيش مش بس أبطل
ردحذفكان عندي مشروع بيقع ومشاكل نفسية بتأثر على كل قراراتي ولما عملت معاك أكتر من جلسة لقيتني باخد قرارات أحسن واتعلمت أوقف التفكير اللي بيبوظ كل حاجة قبل ما يسيطر علي
ردحذفكنت شايف إن ولادي مش بيحبوني وكل واحد فيهم بيبعد عني ولما حضرتك اتكلمت معانا كعيلة كاملة في البيت خلتنا نفتح قلوبنا لبعض وقلنا كلام عمره ما اتقال قبل كده حضرتك رجعت الجو الدافي للبيت
ردحذف