- مصدر خبرتك إيه ؟
من سنة 2000 وأنا بكتب أبحاث ومقالات عن الإنسان ومشاعره العميقة. ربع قرن في محاولة لفهم اللي بيحصل جوا النفس، لحد ما بقيت أسمع اللي مش بيتقال، وأفهم اللي وراه .
لكن مصدر الخبرة الحقيقي عمره ما كان في الكتب بس، ولا في الكتابة .. المصدر هو الناس .
من سنة 2009 ، وأنا بقابل الناس وجها لوجه ، وسمعت آلاف الحكايات ، وحليت آلاف المشاكل الواقعية .
ساعدت أشخاص كتير يتجاوزوا أزمات نفسية معقدة ، وساعدت شركات كانت على حافة الانهيار، من خلال تحليل الأخطاء ، ووضع حلول واقعية قابلة للتنفيذ .
- بتقابل الناس فين ؟
في أي مكان يريح الشخص: كافيه ، فندق ، مطعم ، أو حتى في بيته ، أو أي مكان هادي .
- ليه معندكش مكان ثابت الناس تيجي ليك فيه ؟
لأن اللي بيتواصل معايا بيكون من أماكن كتيرة جوه القاهرة ومن محافظات تانية ، وكمان من خارج مصر . فصعب أرتبط بمكان واحد . علشان كده قررت أكون أنا اللي بروح للناس في المكان اللي يريحهم ، بدل ما أطلب منهم ييجوا لي .
- هل كل اللي بنقوله ليك سر؟
طبعا ، السرية التامة أهم مبدأ عندي ، ومفيش حد بيعرف حاجة حتى من أقرب الناس ليك .
- ليه الناس بتجيلك وانت مش مشهور في الإعلام ؟
علشان سمعوا عني من اللي اتحلت مشاكلهم ، واتغيرت حياتهم ، والسمعة وصلت لوحدها لكل مكان .
- أنت بتتعامل مع الناس ازاي ؟
بسمع كويس جدا ، بحلل اللي بيتقال واللي ما بيتقالش، وبقدر أقرأ تعبيرات الوش والعين وأفهم الشخص حتى لو ساكت ، وأوجه الناس لحلول عملية تنقذهم فعلا .
- بتقعد قد إيه مع الشخص ؟
من ساعة لـ ٤ ساعات ، حسب حجم المشكلة ، وبسيب الشخص يقول كل اللي جواه من غير مقاطعة .
- هل بتساعد ناس بره القاهرة ؟
آه ، روحت لناس في :
اسكندرية – اسماعيلية – بورسعيد – الغردقة – بنى سويف – المنيا – سوهاج – اسيوط - قنا – الاقصر – شرم الشيخ - طنطا - المنوفية - الدقهلية .. ومحافظات اخرى .
- طب دول خارج مصر؟
بتوصلني مكالمات من مصريين وعرب عايشين في :
امريكا – استراليا – كندا – فرنسا – ايطاليا - ألمانيا – هولندا – بلجيكا – السويد – النمسا – سويسرا – لبنان – سوريا – العراق – الاردن - السعودية – الكويت – الامارات – قطر .. ودول اخرى .
- يعني بتقدر تتابع حد برا مصر ؟
طبعا ، في ناس بتكلمني من بره وننظم جلسات لما ينزلوا مصر، أو نتكلم تليفونيا .
- ليه الناس بتسميك "المنقذ " ؟
لأنهم جربوا كل الحلول ولما لجأولي اتحلت مشاكلهم من أول مرة .
- بتحل مشاكل من نوع إيه ؟
كل أنواع المشاكل : علاقات ، اكتئاب ، قلق ، إحباط ، قرارات مصيرية ، مشكلات أسرية ، انفصال ، فقد ، صدمات ، علاقات سامة ، فقد الشغف ، التعلق ، عدم الثقة ، مشاكل في الشغل ، مشاكل في تربية الأولاد ، أو حتى إحساس الوحدة .
- فيه ناس اتكلمت عنك في تقييمات ؟
آه ، ناس كتير جدا كتبت عني كلام حقيقي من قلبهم بعد ما اتحلت مشاكلهم .
- بتساعد في حل مشاكل الطلاق والانفصال ؟
كتير، وساعدت ناس كتير جدا ينجوا من وجع الانفصال أو يرجعوا لبعض بحكمة.
- لو حد محبط أو بيفكر في إنهاء حياته ؟
بقعد معاه ، وبفتش عن جذور المشكلة ، وغالبا بيتغير بعد الجلسة من غير دواء ولا علاج .
- هل بتساعد في حالات الإدمان ؟
آه ، ساعدت ناس كتير جدا يخرجوا من الإدمان بكل أنواعه ، سواء إدمان مخدرات ، أو سلوك، أو علاقات، وكانوا بيظنوا مفيش أمل.
- طب والانتحار ؟
آه، اتعاملت مع ناس كانوا فقدوا الأمل تماما، وفعلا كانوا على حافة الانتحار، وقعدت معاهم وغيرت تفكيرهم، وبعد فترة بقى عندهم طاقة وأمل وحب للحياة.
- بتساعد في حل المشاكل النفسية العميقة ؟
جدا ، مشاكل زي الاكتئاب، اضطراب الهوية، مشاعر النقص، والاحتراق النفسي، كلها اتعاملت معاها.
- طب في مشاكل الخوف والقلق والتوتر؟
دي من أكتر الحاجات اللي حليتها، والناس ارتاحت من أول جلسة لأن فهمت أصل الخوف وبدأنا نواجهه سوا .
- بتقابل ناس عندهم مشاكل في تربية أولادهم ؟
كتير، بقعد مع الآباء والأمهات وبساعدهم يعرفوا يتعاملوا مع أولادهم بشكل سليم .
- طب لو حد اتعرض لخيانات أو صدمات ؟
بساعده يتجاوزها ويتعافى منها، ويفهم إزاي ما تتكررش معاه تاني.
- بتتعامل مع مشاكل الوحدة ؟
أيوه ، في ناس كتير حسوا إنهم وحيدين حتى وسط الناس، وساعدتهم يلاقوا نفسهم من جديد .
- ولو حد عنده إحباط مزمن ؟
بكتشف ليه دايما محبط وببدأ أغير نظرته للحياة خطوة خطوة.
- فيه ناس عندها مشاكل بسبب الماضي ؟
آه ، سواء طفولة صعبة ، أو تجارب مؤلمة ، اشتغلت على ده مع ناس كتير وساعدتهم يشفوا .
- بتساعد اللي بيشك في نفسه ؟
جدا ، وساعدتهم يبنوا ثقة حقيقية من جواهم مش بس بالكلام .
- لو شخص عنده فشل متكرر؟
بفهم منه نمط الفشل، وبحلله معاه، وبنبدأ نكسر الحلقة دي وننجح.
- هل بتساعد ناس في العلاقات قبل الجواز ؟
كتير، خصوصا في فترة الخطوبة والاختيار، وازاي يفهموا بعض قبل ما يرتبطوا.
- بتتعامل مع البنات اللي فقدوا الثقة ؟
آه، وساعدت بنات كتير يرجعوا يحبوا نفسهم بعد تجارب جارحة جدا .
- فيه ناس فقدت الشغف بالحياة ؟
جدا، وساعدتهم يكتشفوا معنى جديد لحياتهم، ويبدأوا من جديد .
- هل اتعاملت مع مشاكل العلاقات السامة ؟
طبعا ، وساعدت ناس كتير يخرجوا من دايرة العلاقات المؤذية اللي كانت بتستنزفهم.
- هل اتعاملت مع شخصيات قيادية ؟
آه ، اشتغلت مع مديرين شركات، ورجال أعمال، وحتى شخصيات عامة.
- طب لو شخص بيأذي نفسه؟
بقعد معاه وأفهم أسبابه ، وغالبا بنوصل مع بعض لنقطة أمان حقيقية .
- هل بتقعد مع عائلات كاملة ؟
آه ، أوقات بيطلبوا جلسة جماعية وأنا بقدر أخلق مساحة تفاهم بينهم .
- لو في حد بيسمع صوت جواه بيقوله يموت ؟
بقعد معاه فورا ، وبشوف الجرح اللي وصله للمرحلة دي، وبقف جنبه لحد ما يقوم .
- طب لو بنت اتعلقت بشخص ووجعها ؟
بفك التعلق ده من جذور الألم ، وبخليها تبني نفسها من جديد .
- هل في ناس رجعت من حافة الانهيار ؟
أيوه ، وفي منهم دلوقتي بيساعدوا غيرهم .
- كنت بتشتغل إيه قبل التفرغ لاستشارات حياة واعمال ؟
كنت مدير تسويق لمجموعة شركات ومستشار تسويق استراتيجى وتطوير الأعمال من سنة ٢٠١٠ حتى سنة 2024
- ليه قررت تتفرغ لاستشارات حياة واعمال ؟
لأن دي رسالتي ، وكنت بحس إن دي الحاجة اللي فعلا بتفرق في حياة الناس .
- بتتعامل مع شركات كمان ؟
طبعا ، بحلل مشكلات الشركات، بعالج الأخطاء، وبحط خطة إنقاذ .
- بتشتغل ازاي مع الشركات ؟
بقعد مع المديرين والموظفين، بشوف أسباب التراجع أو الخسارة ، بحلل كل التقارير، بحلل كل تفاصيل التشغيل، التسويق، المبيعات ، وبكتشف اللي محدش شايفه .
- هل فعلا أنقذت شركات من الإفلاس؟
آه ، أكتر من شركات كتيرة اتحولت من خساير لأرباح خلال شهور.
- هل بتشتغل على خطط تسويق ؟
أيوه ، وبعمل خطط واقعية على حسب السوق والمنافسة .
- طب لو صاحب الشركة تعبان نفسيا ؟
بقعد معاه كإنسان، مش كمدير، وبفصله عن الضغط اللي مغرقه.
- لو عندهم مشاكل بين الموظفين ؟
بحلها ، وبعمل جو صحي يخليهم يشتغلوا مع بعض .
- هل بتحلل الأرقام ؟
طبعا ، وبشوف وراها مشاكل محدش شايفها .
- هل ممكن شركتي تحقق حصة أكبر في السوق ؟
أيوه ، لو مشيت بالخطة اللي بنعملها مع بعض .
- هل ممكن تحلل منتج مش ماشي ؟
أيوه ، وبعرف ليه الناس مش بتشتريه .
- هل عندك بدائل لكل خطة ؟
دائما ، عشان السوق بيتغير .
- هل عندك رؤية استراتيجية ؟
آه ، بخطط لـ 6 شهور ولسنة ولسنوات جاية .
- هل بتشتغل مع الإدارات العليا ؟
آه ، خصوصا في التوجيه ، والرؤية طويلة المدى .
اقرأ موضوعات تهمك
قصة بطرس بيتر من 2009 حتى الآن
ليه آلاف الناس قالوا : الجلسة مع بطرس بيتر كانت بداية حياتي ؟
أنا اللي بروحلك … مش أنت اللي تجيلي .. فكرة مختلفة بدأت من 2009
ردحذفكنت صاحب شركة وكل الموظفين بيهربوا من الشغل ومش عارف أعمل إيه هو مش بس عمل خطة تسويقية ده قعد مع كل موظف وساعدهم نفسياً بقى فيه فرق حقيقي في الأداء
ردحذفبنتي كانت مكتئبة ومش بتتكلم خالص لما قعد معاها في مكان هادي اتكلمت لأول مرة ومن وقتها بقت بتسأل عليه وتضحك
ردحذفزارني في البيت وشاف الوضع على حقيقته، عرف يتكلم مع مراتي وولادي كل واحد لوحده وحسينا إن في تغيير بجد
ردحذفأختي كانت على وشك تدخل في علاقة سامة وهو اللي أنقذها، فهمها بهدوء وحب وهي سمعتله لأنه ما حكمش عليها
ردحذفجالي وأنا كنت خلاص فقدت الإيمان بأي حد، قعد معايا في كافيه وأنا بكيت وهو كان ثابت وسامع وده أول مرة أحس إن حد فاهمني بجد
ردحذفأنا اللي طلبت جلسة أسرية لأن علاقتنا ببعض كانت مدمرة، ساعدنا نتكلم بصدق لأول مرة من سنين
ردحذفكان في خناقات كل يوم بيني وبين الموظفين ومش عارف ليه، هو حضر معانا كاجتماع عادي وبدأ يلاحظ ويحلل من بعيد، بعدين قالي حاجات عن أسلوبي ماكنتش واخد بالي منها، ومن بعدها اتغيرت حاجات كتير
ردحذفابني كان متمرد ومش بيسمع كلامي، لما شافه قعد معاه كصاحب، وقاله كام جملة خلته يفكر بعمق، ومن وقتها شخصيته بدأت تهدى
فريق العمل عندي كان مفكك والناس بتسيب الشغل بسرعة، حلل الموقف في يومين، وبعتلي خطة اشتغلت بيها، والدنيا اتظبطت تمام
ردحذف
ردحذفدخل حياتنا وقت كانت بنتي بتنهار يوميا ومفيش أي حد قادر يفهمها، جلسة واحدة غيرت حاجات كتير، ومن ساعتها بنتي بقت إنسانة تانية
ردحذفلما والدتي ماتت، ماقدرتش أتكلم مع أي حد غيره. قعد معايا في بيتنا وسط صمتي، وعرف يساعدني أواجه حزني بدل ما أدفنه
ابني كان بيعاني من عزلة شديدة، عمل جلسة معانا في البيت، وبدأ ابني يفتح كلام لأول مرة من سنين. من بعدها بقينا نتقابل دوري
ردحذفكنت بفكر أنهي حياتي، لكن الجلسة اللي جمعته بيا في بيت خالتي، خلتني أراجع كل حاجة وابتدي أتعالج
ردحذف
ردحذفمشكلة كبيرة بيني وبين أبويا، لكنه عرف يتكلم معانا من غير ما ياخد طرف، وساعدنا نسمع بعض بعد سنين خصام
ردحذفماكنتش بؤمن بالجلسات النفسية، لكن بعد ما جربت أتكلم معاه في زيارة بيتية، بقيت أستناه كل شهر
كنت متعودة أسمع "إنتي قوية" من الناس، بس ولا حد فهم أنا دفعت تمن القوة دي إزاي. لما قابلته، كان أول واحد يقولي: "إنتي تعبتِ من إنك تباني قوية". الجملة دي خلتني أرتاح، وبدأت أتصالح مع نفسي لأول مرة
ردحذف
ردحذفدخل عليا البيت، وأنا منهارة من الضغط. بين تربية ولاد وشغل وستوكات ومشاكل في التوصيل... كل حاجة كانت خنقاني. اللي حصل إنه نظم لي الدنيا مش بورقة وقلم... بعقل. فَهمني أنا ليه بتصرف كده، وإزاي أتعامل. بقيت أذكى وأهدى بكتير
أنا جوزي تعب نفسيا من شغله وبقى صامت تماما ولما حضرتك جيت وقعدت معاه في أوضة الضيوف عندنا حسيت إنك شفت اللي محدش شافه وخليته يفتح قلبه ويرجع يشتغل ويضحك
ردحذفلما طلقت انهارت ثقتي بنفسي تماما ومابقتش شايفة أي معنى للحياة وبجلستين بره البيت قدرت تفوقني وترجعلي حتة مني نسيتها
ردحذفكنت تايه بين الشغل والبيت وحاسس إن كل حاجة بتفلت من إيدي وكل قرار باخده بيبقى غلط حضرتك خلتني أفهم أنا إزاي باتصرف كده وقدرت توصل للحاجات اللي بخاف أقولها لنفسي وخليتني أتحرك من ساعتها على أساس جديد
ردحذف