من سنة 2009 لحد ديسمبر 2024 ، وأنا بساعد في حل مشاكل الناس .
قدمت آلاف الجلسات مجانا ، وساعدت فيها أشخاص من كل الخلفيات يخرجوا من أزمات صعبة كانوا حاسين فيها إنهم وصلوا للنهاية .
ساعدت آلاف الأشخاص في تجاوز أزمات نفسية معقدة، وحليت آلاف المشاكل الواقعية ، سواء كانت شخصية أو عائلية أو عملية .
الناس كانت بتيجي تتكلم ، تفضفض ، تتسمع ، تاخد خطوة ..
وأوقات ، الجلسة الواحدة كانت بتغير حياة .
كنت بقدم ده بمحبة حقيقية ، وبإيمان إن الإنسان محتاج حد يسمعه ، يحس بيه ، ويوصل للوجع اللي مش ظاهر في الكلام .
وفي مواقف كتير ، لما حد كان بيصر يدفع ، كنت بقول له ببساطة :
لو حابب ، اتبرع بالمبلغ لحد محتاج .. يمكن تكون سبب في إن إنسان تاني يعيش يومه أحسن
ومن ديسمبر 2024 ، قررت أخصص وقتي بالكامل للخدمة دي،
علشان أقدر أساعد عدد أكبر ، وبتركيز أعمق .
- أولا : جلسات دعم نفسي وإنساني
دلوقتي الجلسة بتكون بسعر رمزي بسيط
لكن المبلغ ده مش بيروح ليا
اللي بيستفيد هو اللي بيديه بنفسه لحد محتاج فعلا
يعني :
– أنا مش باخد مقابل على الجلسات دي
– المبلغ الرمزي بيروح لحد محتاج ياكل أو يعيش
– وده مش تمن للجلسة ، لكنه استمرار لدايرة راحة وخير
اللي ارتاح ، بيساعد حد تاني يرتاح زيه
* مكان الجلسة :
– زيارة منزلية
– أو لقاء في مكان هادي يريحك ( كافيه ، حديقة ، مكتبة ، أو أي مكان ترتاح له )
– أو جلسة تليفونية من أي مكان داخل أو خارج مصر
- ثانيا : دعم عملي لحل مشكلات الشركات والمؤسسات
لو عندك شركة أو مؤسسة ، وبدأ يظهر فيها تراجع في النتائج ، أو ضعف في الأداء أو التواصل الداخلي ،
أنا بشتغل معاك بشكل عملي ومباشر علشان نوصل للأسباب الحقيقية ، ونعالجها بخطوات واضحة .
وده اللي بقدمه فعلا :
* تحليل دقيق لأسباب التراجع والمشكلات الخفية
* تصحيح الأخطاء الصغيرة اللي بتكلف كتير
* مقترحات فورية وسهلة التنفيذ
* علاج مشكلات تسويقية أو إدارية بتأثر على الإنتاج والمبيعات
* تحويل ضعف المنافسين لفرص نجاح عندك
* جلسات خاصة مع الإدارة لاتخاذ قرارات حاسمة في الوقت المناسب
كل جلسة بتكون جلسة تفكير استراتيجي ، وتحليل واقعي ، وحلول قابلة للتنفيذ
وبيكون لها مقابل مالي واضح ومتفق عليه
لأن الهدف هو تحقيق نتائج ، واستمرارية ، وربح فعلي
للاتصال تليفونيا .. اضغط هنا للاتصال المباشر
للتواصل على الواتساب ... اضغط هنا
* كل اللي محتاجه إنك تبدأ . وأنا هكون موجود علشان أسمعك وأساعدك
لما حضرتك روحت معايا الشركة اللي كنت بدأت أكرهها وكرهت نفسي بسببها وعملت تحليل دقيق لكل حاجة من غير ما تجرح حد قدرت ترجع الروح لفريق كامل كانوا بيطفوا واحد واحد
ردحذفالناس كانت شايفة إن بنتي عنيدة بس حضرتك شفت اللي محدش شافه وخليتنا نتعامل معاها بطريقة خلتها تتحسن
ردحذفابني كان بياخد ممنوعات وأنا ماكنتش أعرف لحد ما لقيته في يوم واقع في الأرض والناس قالت لي لازم مستشفى بس قلبي وجعني عليه ولما اتواصلت مع حضرتك حضرتك جيت وقعدت معاه كأنك صديقه مش خصم له وابتدى يسمع ويعيط وقال أنا عايز أبدأ من جديد
ردحذف