بشتغل مع شركات ومؤسسات في التحليل، وتطوير الأعمال، وإنقاذ المواقف الصعبة، وتصحيح المسارات وقت الأزمات.
الناس بتكلمني لما يحسوا إن في حاجة غلط مش باينة… وأنا بدخل أشوف الصورة كاملة، من جوه وبره .
بحلل الأرقام ، الموظفين ، السوق ، والمنافسين… وأقدر أحدد فين المشكلة، وأرجع الشركة للطريق الصح .
وده مصدر دخل محترم ، مستقر .
لكن شغلي الحقيقي … هو مع الناس .
أنا قررت أخلي جلسات الدعم النفسي مفتوحة للناس اللي بتمر بوقت صعب… بسعر رمزي جدا .
لكن مش بس كده … المبلغ الرمزي ده ، ما باخدوش لنفسي .
كل شخص بيجيلي ، بقول له :
"هتاخد الجلسة، وتخرج بمعونة ربنا أحسن …
بس المبلغ البسيط ده ، إنت اللي هتديه بنفسك لحد محتاج .
أنا مش هاخده .
إديه إنت… بإيدك… وصدقني ، بعد فترة هتحس بسعادة غريبة مش هتتفهم بسهولة .
اللي حصل مع ناس كتير… إنهم مش بس ارتاحوا من اللي جواهم ،
لكن اتحرك جواهم إحساس بالقيمة … إنهم ساعدوا ، وإنهم لسه ينفعوا .
الموضوع مش شغل… الموضوع دعوة ، ورؤية …
وإنت كمان ممكن تكون جزء منها .
الجلسة خلتني أواجه حاجات جوايا من سنين
ردحذفبس اللحظة اللي هفضل فاكرها لما قالي أنا مش هاخد الفلوس . انتي اللي تديها لحد محتاج بإيدك
الجلسة كانت مريحة جدا حسيت إني بتكلم مع حد فاهمني من غير ما أشرح كتير
ردحذفولما خلصنا قالي المبلغ الرمزي ده مش ليا ، إنتي هتديه بإيدك لحد محتاج مساعدة
وفعلا عملت كده وبعدها حسيت براحة أعمق من الجلسة نفسها
هو قالى خدي الظرف وقدميه لحد إنتي شايفة محتاجه
ردحذفحسيت إن اللي حصل كان أعمق من جلسة حسيت إننا بننقل الخير من واحد للتاني
لو كل دعم نفسي كان بالشكل ده / يمكن ناس كتير كانت اتغيرت