بشتغل مع شركات ومؤسسات في التحليل، وتطوير الأعمال، وإنقاذ المواقف الصعبة، وتصحيح المسارات وقت الأزمات.
الناس بتكلمني لما يحسوا إن في حاجة غلط مش باينة… وأنا بدخل أشوف الصورة كاملة، من جوه وبره .
بحلل الأرقام ، الموظفين ، السوق ، والمنافسين… وأقدر أحدد فين المشكلة، وأرجع الشركة للطريق الصح .
وده مصدر دخل محترم ، مستقر .
لكن شغلي الحقيقي … هو مع الناس .
أنا قررت أخلي جلسات الدعم النفسي مفتوحة للناس اللي بتمر بوقت صعب… بسعر رمزي جدا .
لكن مش بس كده … المبلغ الرمزي ده ، ما باخدوش لنفسي .
كل شخص بيجيلي ، بقول له :
"هتاخد الجلسة، وتخرج بمعونة ربنا أحسن …
بس المبلغ البسيط ده ، إنت اللي هتديه بنفسك لحد محتاج .
أنا مش هاخده .
إديه إنت… بإيدك… وصدقني ، بعد فترة هتحس بسعادة غريبة مش هتتفهم بسهولة .
اللي حصل مع ناس كتير… إنهم مش بس ارتاحوا من اللي جواهم ،
لكن اتحرك جواهم إحساس بالقيمة … إنهم ساعدوا ، وإنهم لسه ينفعوا .
الموضوع مش شغل… الموضوع دعوة ، ورؤية …
وإنت كمان ممكن تكون جزء منها .
شكرا استاذ بطرس انك سمعتنى وساعدتنى وكمان رفضت تاخد منى فلوس الجلسة وعلمتنى ان اديها لحد بسيط محتاج
ردحذفلما قلت له هبعتلك الفلوس قالي لا
ردحذفاديها بإيدك لحد محتاج مساعدة مادية ، هتحس بحاجة مش هتتفهم بالكلام
وفعلا لما ساعدت حد بنفسي حسيت إني بقيت إنسان تاني
الجلسة دي فرقت معايا بجد واللي فرق أكتر إني خرجت وقلبي بيقولي إنت هتساعد حد تاني
ردحذفالطريقة اللي قالي بيها ادي بنفسك كانت مؤثرة أكتر من أي كلام
مكنتش متخيلة إن فيه ناس لسه بتدي من غير ما تستنى مقابل
ردحذفطلب مني أدي الفلوس اللي دفعتها لحد محتاج وأنا اللي اختار مين
حسيت إني جزء من حاجة أكبر من مجرد كلام
حسيت إن اللي سمعني ده مش مجرد شخص. ده إنسان عنده قلب وبيفهم مشاعرك قبل ما تنطقي
ردحذف