فيه شخص بيغلط كتير وانت بتسامحه عشان انت بتحبه
وفيه شخص بيعمل غلطة واحدة وانت مش بتسامحه لانك مش بتحبه
انت بتغفر للاخر فقط بسبب حبك ليه
بنشوف شخص بيدى فرص كتيرة لحد مش كويس
نساله ليه بتديله فرص كتيرة مع انك عارف انه مش كويس .. مؤذى
يقولك بحبه
لان هو اللى بيسمع لى .. بيقف معايا فى وقت الشدة .. بيقدرنى .. مش بيتعصب علي .. مش بيدينى اوامر ... ممكن يكون استغلالى .. بس مش بيفرق معايا
بعد شهر او سنة .. الشخص ده هيعملك ضرر كبير وهتقول ياريتنى مكنتش اتعاملت معاه من الاول ..
فكر بعقلك .. بلاش تخلى العاطفة تسيطر عليك ... انت اللى هتخسر
هتقولى مش هقدر ابعد عنه .. هقولك كون صداقات تانية .. بس صداقات حلوة .. مش مؤذية ..
لما اصدقاءك الجدد يسمعوا ليك وتتكلم معاهم وتخرجوا هتلاقى نفسك بعدت عن الشخص القديم المؤذى .. هتلاقى نفسك مش متاثر بيه لان فيه ناس جديدة اخدت مكانه
مشكلتك انك كنت بتتعامل مع الشخص ده بس .. لان مكنش فيه حد تانى فى حياتك عشان كده مكنتش قادر تبعد عنه لان مفيش بديل ليه
لكن دلوقتى هيبقى عندك اصدقاء .. يعنى فيه بديل قوى ليه
ليست هناك تعليقات:
إرسال تعليق