ليه بتتعامل مع المقربين منك انهم لازم ميغلطوش
لازم يكونوا ملائكة طول الوقت
اى انسان لازم يغلط
بقصد الغلط هنا .. غلط غير مقصود
بقصد غلط مش كارثى
بقصد غلط غير مؤذى
اى شخص عنده مميزات وعيوب
وفيه اشخاص مش بيعرفوا يغيروا عيوبهم
العيوب هنا مفهاش اذية ليك .. لكن لو فيها .. متتعاملش معاه
قبل ما تتقبل مميزاته .. لازم تتقبل عيوبه
مش هتقدر تتقبل عيوبه .. يبقى خلى علاقتك بيه سطحية .. يعنى بحدود
هتقولى ان فيه اشخاص كتيرة عندهم مميزات ومعندهمش عيوب
هقولك الكلام ده غلط ... عندهم عيوب .. بس انت مش بتشوفها
لانك مش عايش معاهم .. انت بتشوفهم ساعة او دقايق
وكمان عشان انت بتحبهم .. شايف ان معندهمش عيوب
اى حد لما بيحب حد بيشوف مميزاته بس
لكن لما يحصل خلاف .. تلاقى كل العيوب ظهرت
العيوب موجودة من الاول .. بس انت مكنتش مركز عليها .. كنت مركز على مميزاته بس
ليست هناك تعليقات:
إرسال تعليق