مكنش راضى عن حياته .. شايف ان حياته سودة
شايف ان مفيش هدف فى حياته
معندهوش حد يحبه ويخاف عليه
عارف انه لو مات فى شقته محدش هيعرف لانه وحيد .. معندهوش اهل او اصحاب
الشخص ده بعد وقت قرر انه ينتحر
وفجاة اتصل به واحد وقاله وحشتنى وعايز اشوفك
قاله ياااااه احنا علاقتنا مقطوعة من سنين طويلة
ايه اللى فكرك بى دلوقتى
قاله جيت على بالى وافتكرت المواقف الحلوة اللى كانت بينا واحنا فى ثانوى .. ومكنش معايا رقمك وكلمت ناس عشان اخد رقمك وعايز اقابلك دلوقتى
الشخص استغرب وقال فى سره افتكرنى لما كنت عايز انتحر
كان الشخص الثانى عنده سلام داخلى .. كان بيحب كل الناس .. فعلا اتقابلوا مع بعض وقعدوا يتكلموا .. وبعد مقابلات كتيرة بينهم .. ابتدا الشخص اللى كان عايز ينتحر يحب الحياة وبقى عنده هدف .. علاقته بقيت حلوة بربنا وكل ما يتضايق يروح يتكلم مع ربنا ويقوله كل حاجة مضايقاه وبعديها يحس براحة وسلام داخلى .. الشخص ده قرر انه يساعد كل الناس وبالاخص اللى معندهمش حد يسال عليهم .
اكيد انت عندك شخص انت نسيته .. بقالكم فترة مش بتتكلموا مع بعض
اكيد انت تعرف شخص منعزل ومحدش بيسال عليه
من فضلك اتصل بيه .. مكالمتك دى هتفرق كتير .. ممكن يكون هو محتاج حد يكلمه .. حد يسمع ليه .. مكالمتك دى هتفرحه .. متفكرش كتير .. اتصل بيه .. هو اكيد محتاجلك
لما تعمل ده هتحس بسعادة ملهاش حدود .. هتحس ان نفسيتك مرتاحة اوى .. هتحس ان عندك سلام داخلى .. جرب وقولى
ليست هناك تعليقات:
إرسال تعليق