فيه واحد .. بتثق فيه .. بيسمع ليك كتير .. تلاقيه دايما يقلل منك .. ويقعد يتكلم عن نقاط ضعفك وعيوبك طول الوقت مع ان معظمها مش حقيقى .. وتلاقيه بيضحك ويقولك انا بقولك كده لمصلحتك .. اوعى تزعل
لما تحقق نجاح كبير .. يقولك انا اللى ساعدتك .. نجاحك عشان انا معاك .. وهو معملش حاجة
انت كده فى خطر .. بعد فترة .. كل حاجة فيك هتتغير للاسوا .. الحق نفسك قبل ما تضيع
افتكر قبل ما تعرف الشخص ده وتتعامل معاه انك كنت بتفكر بهدوء وتاخد قرارات وبتطلع صح .. عملت انجازات كتيرة لوحدك .. كنت ناجح ومتميز .. معظم نقاط الضعف والعيوب اللى قالك عليها مش صح .. لازم تعرف انه بيعمل معاك كده ... عشان يسيطر عليك .. عشان يقدر يتحكم فيك
لازم تعمل وقفة مع الشخص ده .. متتعاملش معاه تانى ولو هتتعامل معاه يبقي بحدود ولما تلاقيه بيتكلم .. قوله مش حابب اسمعك .. مش حابب اتعامل معاك
ليست هناك تعليقات:
إرسال تعليق